Campus Unimaas woersjijnelek definitief vaan de baon

Directeur Leks Verzijlbergh vaan woeningstiechting Servatius is weg gebonjourd umtot 'r teväöl risico heet genaome in 't campus projek. Zoewie dat mèt woeningsteichtinge geit, zal 'r wel weer 'ne fleenke knap mónnete mèt kriege.

Op 28 mei 2009 woort de bouw vaan de campus al stèl gelag umtot d'r noe al 'n tekort vaan 10 miljoen is en nog geine stein is gelag. In totaal zow 't bouwwèrk 165 miljoen (!!!) motte koste en daan kinne dao zoen 550 studente woene, zoepe, sporte en kemissies doen. Ein of aandere spaonse architek oonder de naom vaan Santiago Calatrava heet 't ziech allemaol verzonne:

• 28.000 m2 woenruimte
• 96 guesthouses
• 402 zelfstandige studio's veur studente
• 48 appartemènte veur medewèrkers vaan bedrieve, hospitaol en universiteit
• 'n sporthal vaan 2.700 m2
• 4.850 m2 sportveurzeninge
• 8.800 m2 veur kentoere
• 450 m2 veur betikskes
• 450 m2 veur horeca
• 510 parkeerplaotse
• 28.500 m2 water

De Campus Mestreech is 'n projek vaan Servatius. Mie informatie kint g'r hei vinde op de speciale website vaan Campus Maastricht. De Universiteit Mestreech kreig steeds mie aonmeldinge en greuit dit jaor zelfs 15%!