Noe brant de lamp!

Ziesjoem heet gister in hun nui formatie häör twaalfde cd geprizzenteerd aon 't volk wat mèt groete getale nao 't bat waor gekaome nao 't Nacho Festival. De nuie cd steit in 't teike vaan Mexico en geit euver d'n draank, de leefde en de leefde veur d'n draank. De 10 volgende nui leedsjes stoon op de cd: 'Noe brant de lamp', 'Lena', 'Hei', 'Sjei oet, bis stèl', 'Hotel Limburgia', 'Vlinderkes', 'Bij Öşkan Vanalles', 'Iech leef zoe wie iech leef', 'D’n draankeuverval' en 'Zaoterdagaovend'.

Neet allein Ziesjoem heet de Mexicaanse griep opgeloupe. Ouch Fred Lloret a.k.a. Dieter Koblenz waor present meh dit kier es 'el grande matador de cucaracha'. Of dat noe z'ne permanente act waor, is miech nog neet zoe duudelèk meh iech kos d'r neet väöl vaan verstoon.