Vastelaovend: 6 pèls per daag

De GGD in Brabant adviseert de lui um mèt de vastelaovend neet mie daan 6 pèls per daag te dreenke. 't Doort naomelèk anderhalf oor veurtot ein pèls is aofgebrooke en 'ne haave daag tot 8 pèls door 't liechaam verwerk zien. Este alle drei de daog, of langer, wèls goon zoepe, moste 't dus bei 6 pèlskes hawwe. Dus neet 40 á 50 stuks vaan dat vloeibaar goud d'n gut aof goeje want 't heet 'ne slechte invloed op d'n gezoonheid en maak diech kwetsbaar veur ziektes es griep en zwangerschap. Want "deenk d'raon, deenk d'rum" wèl nog wel 'ns vergete weure of es leef maria de pil linea recta weer heet oetgespeijt daan is de kans groet totste nog veur de sinterklaos mèt zoene kleine zits opgescheep. Loer ouch 'ns hei nao 't filmke vaan Omroep Brabant.

In Den Bosch goon ze jongeren controlere op alcoholgebruuk. Este oonder de 16 bis en alcohol höbs gedroonke, daan kinste get tuinsjes goon harke veur buro Halt.