Film Festival Mestreech 2008

Vaan goonsdag 2 tot en mèt 6 aprèl 2008 is in de Lumiere cinema in Mestreech veur de veerde kier 't Film Festival Maastricht. 't Festival zal geopend weure door Die Anarchistische Abendunterhaltung, 'ne gróp die live 'ne soundtrack zalle speule bij de documentaire "Our Daily Bread" (Unser Tächlich Brot; oorsproonkelèk zoonder meziek).

't IFFR (International Film Festival Rotterdam) geit oonder de naom "Rotterdam en route" langs 'n aontal filmhoezer, boe oonder Lumiere Mestreech. Op zoondag 6 aprèl zalle de volgende films vaan 't IFFR-filmfestival te beloere zien: La Antena, Go With Peace Jamil, Happy Desert, Operation Filmmaker, Short Films en Help Me Eros. 'n Sjieke aofsleeting veur 't Filmfestival Mestreech dus!