carnaval

Noe brant de lamp!

Zjuulke Zeuthout — Mon, 17 Aug 2009 18:50:09 +0200

Ziesjoem heet gister in hun nui formatie häör twaalfde cd geprizzenteerd aon 't volk wat mèt groete getale nao 't bat waor gekaome nao 't Nacho Festival. De nuie cd steit in 't teike vaan Mexico en geit euver Lees wijer »

11de vaan de 11de 2009 toch oppe vriethof

Zjuulke Zeuthout — Sun, 03 May 2009 15:43:49 +0200

Sinds de 11de vaan de 11de oppe vriethof weurt gehawwe geit 't bergaof mèt dit evenemint. Väöl lui spreke devaan tot de sfeer oppe vriethof väöl minder is daan destijds oppe slevrowweplein. Veurig jaor waor 'n gans fiasco mèt vechpartije en wildplasse. D'n haave vriethof waor verrinneweert. Dit jaor höbbe ze dao 'n oplossing veur: regels! Lees wijer »

Prinse vaan Mestreech

Zjuulke Zeuthout — Thu, 12 Feb 2009 16:37:05 +0100

Oondertusse steit d'n tèller alweer op 123 lede en dik 4200 bezeuke de aofgeloupe maond! Bedaank! Sjiek tot g'r d'r zeet. Veer höbbe uuch 'n euverziech gemaak mèt alle prinse vaan Mestreech. Lees wijer »

Super sjoene daag

Zjuulke Zeuthout — Fri, 30 Jan 2009 04:12:37 +0100

Aofgeloupe zoondag waor 'ne super sjoene daag, veural veur Patrick van de Weijer dee oetgerope woort tot Prins Patrick d'n ierste. Heer is bekint vaan TV Mestreech meh ouch vaan zien nummers "Noe is ’t tied" en "Verleef op ’t Mooswief", boe heer 't vastelaovendsleedsjeskonkoer mèt heet gewonne. Meh laote veer "Dink d'raon, dink d'rum" neet vergete. Noe is 'r commerciële sjaak bij eus MVV'ke meh veur de meziek heet 'r ziech aongeslote bei de Radlers. Die höbbe dees vastelaovend 'n kebouterdenske veur us genaomd Super Sjoene Daag. Lees wijer »

Oet de aw does

Zjuulke Zeuthout — Thu, 29 Jan 2009 00:07:56 +0100

Iemand is zoe aordig gewees um aw beelder vaan de vastelaovend in Mestreech oet '61 en '63 op youtube te plaotse. Dees zien oets 'ns door ziene bompa opgenoome op 8mm en noe eindelek gedigitaliseerd en online geplaots zoetot eederein 't kin zien. Sjiek ouch dee awwe vastelaovendsmeziek d'r oonder. Lees wijer »

Zoervleis Vastelaovend FM

Zjuulke Zeuthout — Thu, 22 Jan 2009 15:59:31 +0100

Zoondag weurt euze nuie hoege hoeglustigheid weer bekint gemaak en daan is 't nog mer 'ne maond tot de vastelaovend. Tot dee tied goon veer uuch mèt Zoervleis FM alvas opwerme. De gansen daag volle gaas de bèste vastelaovendsmeziek dee uuch die drei daog door höllep. Hei rechs oonder "Luuster Zoervleis FM" kint g'r keeze oet 'n popup-scherm, aofspeule mèt Winamp, Realplayer of Windows Mediaplayer. Wèlt g'r zelvers mèt zeenge daan kint g'r hei rechts oonder "Meziek" de tekste veende vaan 'ne ganse zwik Mestreechter vastelaovendsleedsjes. Mis g'r nog nummers, laot 't us daan eve wete via "Mail us" hei rechs in 't menu.

Dreij groepsleden verlaote Ziesjoem

Zjuulke Zeuthout — Sun, 16 Nov 2008 20:56:44 +0100

Welliech hub geer ’t al gehuurt of geleeze. Meh dit vastelaovendssezoen is ’t leste sezoen veur Margo, Kees & Carl... Lees wijer »

Noe geit 't gebäöre

Zjuulke Zeuthout — Mon, 10 Nov 2008 16:53:27 +0100

Noe geit 't gebäöre! Vastelaovend steit veur de deur. Mörge weurt de spits aofgebeete oppe vriethof meh gister waor al 'n opwerrumrunde in de Music Hall Mestreeh. Gistermiddag woort 't nui vastelaovendsleedje verkoze door 't vollek vaan Mestreech. En de winnaar woort Lees wijer »

Foto's karneval

Zjuulke Zeuthout — Wed, 06 Feb 2008 16:37:55 +0100

Deh, nao drei daog höb iech miech weer bei-ein geraap um weer e stukske te tiepe. D'r zien weer fleenk get doeze spek, ei, treekes haave liters en netuurlèk kilo's friet-zoervleis doorheen gegaange. En mèt 'ne gepaste vastelaovendskater is 't weer tied veur de volgende blog. Wèlste nog ff trök loere nao de vastelaovend of nog 'ns dien köpke wèls zien, daan zien d'r 'n aontal websites boe'ste foto's kins veende. Lees wijer »

Vastelaovend: 6 pèls per daag

Zjuulke Zeuthout — Wed, 30 Jan 2008 13:17:50 +0100

De GGD in Brabant adviseert de lui um mèt de vastelaovend neet mie daan 6 pèls per daag te dreenke. 't Doort naomelèk anderhalf oor veurtot ein pèls is aofgebrooke en 'ne haave daag tot 8 pèls door 't liechaam verwerk zien. Este alle drei de daog, of langer, wèls goon zoepe, moste 't dus bei 6 pèlskes hawwe. Dus neet 40 á 50 stuks vaan dat vloeibaar goud d'n gut aof goeje want 't heet 'ne slechte invloed op d'n gezoonheid en maak diech kwetsbaar veur ziektes es griep en zwangerschap. Want "deenk d'raon, deenk d'rum" wèl nog wel 'ns vergete weure of es leef maria de pil linea recta weer heet oetgespeijt daan is de kans groet totste nog veur de sinterklaos mèt zoene kleine zits opgescheep. Loer ouch 'ns hei nao 't filmke vaan Omroep Brabant. Lees wijer »